GLIP სამედიცინო სამართლის 30-ე მსოფლიო კონგრესზე

საქართველოს ადვოკატები დამოუკიდებელი პროფესიისთვის (GLIP) წარმოდგენილი იყო ბელგიის ქალაქ ანტვერპენში გამართულ სამედიცინო სამართლის 30-ე მსოფლიო კონგრესზე, რომელმაც მსოფლიოს სხვადასხვა ქვეყნიდან სამედიცინო სამართლის სფეროს წამყვან პროფესიონალებსა და ექსპერტებს უმასპინძლა.

კონგრესის ფარგლებში, GLIP-ის თავმჯდომარე, პროფესორი ნინო ლიპარტია, არჩეულ იქნა The World Association for Medical Law (WAML)-ის საქართველოს ეროვნულ წარმომადგენლად.

კონგრესის ფარგლებში იოსებ გაბარაევმა და ნინო ლიპარტიამ წარმოადგინეს მოხსენება სამედიცინო სამართლის აქტუალური საკითხების შესახებ, რითაც მათ მონაწილეობა მიიღეს საერთაშორისო პროფესიულ და აკადემიურ დისკუსიაში და წარმოაჩინეს საქართველოს გამოცდილება სამედიცინო სამართლის სფეროში.

აღნიშნული დანიშვნა და კონგრესში აქტიური მონაწილეობა წარმოადგენს მნიშვნელოვან საერთაშორისო აღიარებას და მნიშვნელოვან ნაბიჯს საქართველოს სამედიცინო სამართლის საერთაშორისო პროფესიულ და აკადემიურ სივრცეში ჩართულობის გაძლიერების მიმართულებით.

WAML-ის საქართველოს ეროვნული წარმომადგენლის რანგში, ნინო ლიპარტია ხელს შეუწყობს საერთაშორისო პროფესიული და აკადემიური თანამშრომლობის გაღრმავებას, გამოცდილებისა და ცოდნის გაზიარებას და საქართველოში სამედიცინო სამართლის შემდგომ განვითარებას.

GLIP ულოცავს პროფესორ ნინო ლიპარტიას ამ მნიშვნელოვან საერთაშორისო დანიშვნას და წარმატებას უსურვებს ახალ პროფესიულ როლში.

GLIP მიესალმება WAML-თან და საერთაშორისო პარტნიორებთან თანამშრომლობის გაძლიერებას და მზად არის, საკუთარი წვლილი შეიტანოს სამედიცინო სამართლის განვითარების, პროფესიული სტანდარტების გაძლიერებისა და საერთაშორისო თანამშრომლობის ხელშეწყობის საქმეში.

მოხსენებები კონგრესზე

პროფესორმა ნინო ლიპარტიამ წარადგინა მოხსენება თემაზე „Rethinking Medical Negligence in the Age of AI: Loss of Chance Doctrine as a Response to Algorithmic Decision-Making.“ მოხსენება ეხებოდა ხელოვნური ინტელექტის ეპოქაში სამედიცინო დაუდევრობასა და პროფესიულ პასუხისმგებლობას, მათ შორის, შანსის დაკარგვის დოქტრინის როლს ალგორითმული გადაწყვეტილებების შედეგად წარმოშობილი შესაძლო ზიანის შეფასებაში.

GLIP-ის მიერ გამოქვეყნებულ პროგრამის ანონსში პროფესორ იოსებ გაბარაევის მოხსენების თემა იყო „Criminal Law Perspectives on Healthcare Fraud“ — ჯანდაცვის სფეროში თაღლითობის სისხლისსამართლებრივი ასპექტები.

სასწავლო და პროფესიული ვიზიტი GLIP-მა ორგანიზაციის წევრთა პროფესიული განვითარების, საერთაშორისო გამოცდილების გაზიარებისა და ქართული სამართლებრივი მეცნიერების წარმოჩენის მიზნით მოაწყო.