საქართველოს ადვოკატები დამოუკიდებელი პროფესიისათვის მონაწილეობს სამედიცინო სამართლის 30-ე ყოველწლიურ მსოფლიო კონგრესში

2026 წლის 5-7 აგვისტოს საქართველოს ადვოკატები დამოუკიდებელი პროფესიისათვის წევრები მონაწილეობას იღებენ სამედიცინო სამართლის მსოფლიო ასოციაციის (World Association for Medical Law – WAML) მიერ ორგანიზებულ სამედიცინო სამართლის 30-ე ყოველწლიურ მსოფლიო კონგრესში, რომელიც ბელგიის ქალაქ ანტვერპენში იმართება. კონგრესს მასპინძლობს ანტვერპენის უნივერსიტეტი (University of Antwerp), სადაც საერთაშორისო აკადემიური და პროფესიული საზოგადოების წინაშე მოხსენებებით წარდგებიან: - პროფ. სამართლის დოქტორი ნინო ლიპარტია – საქართველოს ადვოკატები დამოუკიდებელი პროფესიისათვის თავმჯდომარე, ადვოკატი - თემა: "მირეკენად სიცოცხლის რისკის გამიჯვნა ხელოვნური ინტელექტის ეპოქაში: დაკარგული შანსის დოქტრინა ალგორითმულ გადაწყვეტილებებზე პასუხად" - პროფ. სამართლის დოქტორი ადვოკატი იოსებ გაბარაევი – საქართველოს ადვოკატები დამოუკიდებელი პროფესიისათვის გამგეობის წევრი, ადვოკატი - თემა: "ჯანდაცვის სიგარების კრიმინალური სამართალმიერი კუთხეები" კონგრესი აერთიანებს მსოფლიოს წამყვან მეცნიერებს, იურისტებს, ექიმებსა და ჯანდაცვის სფეროს ექსპერტებს. მისი პროგრამა ეძღვნება სამედიცინო სამართლისა და ბიოეთიკის თანამედროვე გამოწვევებს, მათ შორის: - ხელოვნური ინტელექტის გამოყენება მედიცინაში; - პაციენტის უფლებების დაცვა; - ჯანდაცვის სფეროში ეთიკურ და სამართლებრივ საკითხები; - ჯანმრთელობის მონაცემების დაცვა და მართვა; - ჯანდაცვის ინოვაციები და რეგულირების თანამედროვე მიდგომები; - ჯანდაცვაზე თანაბარი ხელმისაწვდომობის უზრუნველყოფა. კონგრესის ფარგლებში გაიმართება საერთაშორისო სამეცნიერო სესიები, პანელური დისკუსიები და გამოცდილების გაზიარება, რაც ხელს შეუწყობს სამედიცინო სამართლის სფეროში საერთაშორისო თანამშრომლობის გაძლიერებას. აღნიშნული სასწავლო ვიზიტი ორგანიზებულია საქართველოს ადვოკატები დამოუკიდებელი პროფესიისათვის მიერ და მიზნად ისახავს ორგანიზაციის წევრების პროფესიულ განვითარებას, საერთაშორისო გამოცდილების გაზიარებასა და საქართველოს სამართლებრივი საზოგადოების ღირსეულ წარმომადგენლობას საერთაშორისო აკადემიურ სივრცეში.