საქართველოს ადვოკატები დამოუკიდებელი პროფესიისათვის საერთაშორისო სასწავლო ვიზიტით ჰამბურგში
გამომქვეყნებელი GLIP
GLIP-ის წევრები 10-13 დეკემბერს სასწავლო ვიზიტით იმყოფებიან გერმანიაში, ღონისძიება მხარდაჭერილია IRZ-ის მიერ და შეეხება ადმინისტრაციულ, სამოქალაქო და სისხლის სამართლებრივ საკითხებს.
საქართველოს ადვოკატები დამოუკიდებელი პროფესიისათვის
საქართველოს ადვოკატები დამოუკიდებელი პროფესიისათვის (GLIP) წევრები მიმდინარე წლის 10-13 დეკემბერს სასწავლო ვიზიტით იმყოფებიან გერმანიის ქალაქ ჰამბურგში. ღონისძიება ხორციელდება საერთაშორისო სამართლებრივი გერმანული ფონდის (IRZ) მხარდაჭერით.
სასწავლო ვიზიტი ეხება შერჩეულ ადმინისტრაციულ, სამოქალაქო და სისხლის სამართლებრივ პრობლემურ საკითხების განხილვას.
აღნიშნული ღონისძიება წარმოადგენს GLIP-სა და IRZ-ს შორის ხანგრძლივი თანამშრომლობის ნაწილს. მისი მიზანია, ქართული დელეგაციის წევრებისათვის, გერმანული სასამართლო პრაქტიკის გაზიარება. გერმანელი მოსამართლეები გაუზიარებენ ქართველ კოლეგებს პროცესის წარმართვის სპეციფიკასა და ადმინისტრაციული, სამოქალაქო თუ სისხლისსამართლებრივი სამართალწარმოების ფარგლებში, გადაწყვეტილების მიღების მნიშვნელოვან წინაპირობებს.
დარგობრივი დიალოგის ფარგლებში, უწინარეს ყოვლისა, განიხილება პრინციპული საპროცესო საკითხები, ასევე სახელწიფო პასუხისმგებლობის, კონკურენციის, სამედიცინო და სამშენებლო სამართლის კონკრეტული ასპექტები.
აღნიშნული ხელი შეუწყობს აღნიშნულ სფეროებში ადვოკატის პროფესიის სრულყოფას. ეს კი განაპირობებს არა მხოლოდ ადვოკატთა კორპუსის, არამედ სასამართლო კორპუსის უკეთეს პროფესიონალიზაციას. ამ ყველაფერმა კი მთლიანობაში ხელი უნდა შეუწყოს სამართლის გამოყენების გაუმჯობესებას.
