საქართველოს დამოუკიდებელი ადვოკატთა ასოციაციის თავმჯდომარე და გამგეობის წევრი ჰამბურგის უნივერსიტეტში მოწვეული ლექტორები

საქართველოს დამოუკიდებელ ადვოკატთა ასოციაციის (GLIP) თავმჯდომარე ნინო ლიპარტია და ორგანიზაციის გამგეობის წევრი იოსებ გაბარაევი 2026 წლის 6 ივლისს ჰამბურგის უნივერსიტეტის საერთაშორისო საზაფხულო სკოლის მიწვეული ლექტორების სტატუსით წარსდგნენ საერთაშორისო აკადემიურ აუდიტორიასთან. მათ წაიკითხეს ლექცია თემაზე: „ხელოვნური ინტელექტის გამოყენება სამედიცინო მომსახურებაში და პასუხისმგებლობის საკითხები სამედიცინო შეცდომის/არაჯეროვანი სამედიცინო დახმარების დროს“. ლექციის პერიოდში განხილულ იქნა სამედიცინო შეცდომის ცნება, ექიმის პროფესიული პასუხისმგებლობის სამართლებრივი საფუძვლები, „დაკარგული შანსის“ (Loss of Chance) თეორია, ბრალის გარეშე პასუხისმგებლობის მოდელი, აგრეთვე ადამიანის უფლებათა ევროპული სასამართლოსა და საქართველოს საერთო სასამართლოების პრაქტიკა ამ საკითხებთან დაკავშირებით. ლექციამ განსაკუთრებული ინტერესი გამოიწვია საერთაშორისო აუდიტორიაში და გახსნა შესაძლებლობა ამაელაპარაკათ ხელოვნური ინტელექტის სამართლებრივი გამოწვევების შესახებ ჯანდაცვის სფეროში, ასევე შეადარებინეს საქართველოს სამართლის და სასამართლო პრაქტიკის გამოცდილება. საქართველოს დამოუკიდებელი ადვოკატთა ასოციაცია (GLIP) დიდ მნიშვნელობას ანიჭებს საერთაშორისო აკადემიურ თანამშრომლობას, რაც ხელს უწყობს ცოდნისა და გამოცდილების გაზიარებას, პროფესიული კავშირების გაღრმავებას და ქართული სამართლებრივი გამოცდილების წარმოჩენას საერთაშორისო აკადემიურ სივრცეში. ლექციას, მოწვეული სტუმრების სტატუსით, ესწრებოდნენ ორგანიზაციის წევრები.