საქართველოს ადვოკატები დამოუკიდებელი პროფესიისათვის სტუმრად ჰააგის საერთაშორისო სამართლის აკადემიაში

2026 წლის 23 ივნისს საქართველოს ადვოკატები დამოუკიდებელი პროფესიისათვის წევრი ადვოკატები ეწვივნენ ჰააგის საერთაშორისო სამართლის აკადემიას (The Hague Academy of International Law), რომელიც არის მსოფლიოში ერთ-ერთი ყველაზე პრესტიჟული სასწავლო ცენტრი საერთაშორისო საჯარო და კერძო სამართლის სფეროში. აკადემია დაარსდა 1923 წელს და მდებარეობს Peace Palace-ში, ჰააგაში. ვიზიტის ფარგლებში, ორგანიზაციის წევრებმა მოისმინეს ლექცია აკადემიის სტრუქტურის, საქმიანობის და მიმდინარე სასწავლო პროგრამების შესახებ. აღსანიშნავია, რომ აკადემია არ არის უნივერსიტეტი და არ გასცემს სრულ აკადემიურ ხარისხებს (LL.M., PhD და ა.შ.). მისი მთავარი ფუნქციაა ინტენსიური სასწავლო პროგრამების ჩატარება საერთაშორისო სამართლის სფეროში, რომელსაც უძღვებიან მსოფლიოს წამყვანი პროფესორები, მოსამართლეები, დიპლომატები და პრაქტიკოსები.