საქართველოს ადვოკატები დამოუკიდებელი პროფესიისათვის: საერთაშორისო კონფერენციაში მონაწილეობა

2025 წლის 2-3 ოქტომბერს, საქართველოს ადვოკატების დამოუკიდებელი პროფესიისათვის და გრიგოლ რობაქიძის სახელობის უნივერსიტეტის წარმომადგენლობით, თავმჯდომარე ნინო ლიპარტიამ მონაწილეობა მიიღო საერთაშორისო კონფერენციაში თემაზე "Covid-19 ცენტრალურ და აღმოსავლეთ ევროპაში: გამოცდილება და მზადყოფნა პანდემიისთვის – ხუთი წლის შემდეგ", რომელიც გაიმართა იოანე პავლე II-ის სახელობის კათოლიკურ უნივერსიტეტში, ლუბლინში, პოლონეთი. ნინო ლიპარტიას მოხსენება ქონდა საზოგადოებრივი ჯანმრთელობის, ვაქცინაციისა და ბიოეთიკის სექციაში და ეძღვნებოდა თემას "სამედიცინო ტრიაჟის სამართლებრივი და ეთიკური ასპექტები: გერმანიის ფედერალური საკონსტიტუციო სასამართლოს პრაქტიკისა და ევროპული უფლებების ჩარჩოს ანალიზი". კვლევამ შეეხო მნიშვნელოვან საკითხებს, როგორიცაა რესურსების განაწილება საგანგებო სიტუაციებში, პაციენტების პრიორიტიზაცია, კონსტიტუციური სამართლისა და სამედიცინო ეთიკის გადაკვეთა, ასევე პანდემიის მომავალი მზადყოფნის სამართლებრივი საფუძვლები. ღონისძებაში მონაწილეობდნენ იურისტები, ჯანდაცვის სპეციალისტები და მედიკოსები უკრაინიდან, რუმინეთიდან, სერბეთიდან, ლიტვიდან, ხორვატიიდან, პოლონეთიდან და სხვა ქვეყნებიდან. კონფერენციის მთავარი თემები გახლდათ: ეროვნული სამართლებრივი რეაგირება, საგანგებო მართვა, საზოგადოებრივი ჯანდაცვის სისტემის რეფორმები, ციფრული ტექნოლოგიები და უფლებები პანდემიის ეპოქაში, ვაქცინაციის პოლიტიკა, ბიოეთიკური გამოწვევები და მომავლის პანდემიური მზადყოფნა. კონფერენციამ კიდევ ერთხელ ხაზგასმით აღნიშნა, რომ პანდემიის გამოწვევებზე ეფექტური რეაგირება მოითხოვს სწორი სამართლებრივი და ეთიკური მიდგომების ჩამოყალიბებას, რაც განპირობებს ჯანდაცვის უსაფრთხოების მაღალ სტანდარტებს.