საქართველოს ადვოკატები დამოუკიდებელი პროფესიისათვის მონაწილეობს 29-ე მსოფლიო სამედიცინო სამართლის კონგრესზე

საქართველოს ადვოკატები დამოუკიდებელი პროფესიისათვის და იურიდიული პროფესიის განვითარების ცენტრის ორგანიზებით, 2025 წლის 3-9 აგვისტოს მოეწყო სასწავლო ვიზიტი სამედიცინო სამართლის 29-ე ყოველწლიურ მსოფლიო კონგრესზე მონაწილეობისთვის. სამედიცინო სამართლის მსოფლიო ორგანიზაცია (World Association for Medical Law - WAML) ყოველწლიურად აწყობს სამედიცინო სამართლის მსოფლიო კონგრესს, სადაც განიხილება სამედიცინო სამართლის აქტუალური საკითხები. 2025 წლის კონგრესზე მოხსენებით წარსდგა საქართველოს ადვოკატები დამოუკიდებელი პროფესიისათვის თავჯდომარე ნინო ლიპარტია და ამავე ორგანიზაციის წევრი, სისხლის სამართლის მიმართულების ხელმძღვანელი იოსებ გაბარაევი. კონგრესი გაიმართა სტამბოლში, თურქეთში, 5-8 აგვისტოს 2025 წელს. 📷 ფოტოკოლაჟი 29-ე მსოფლიო სამედიცინო სამართლის კონგრესიდან.