სასწავლო ვიზიტი ანტვერპენში: ნაწილი სამედიცინო სამართლის მსოფლიო კონგრესს

2026 წლის 2-9 აგვისტოს იგეგმება სასწავლო ვიზიტი ანტვერპენში, ბელგიაში, რომლის ფარგლებში მონაწილეები დაესწრებიან სამედიცინო სამართლის მსოფლიო ასოციაციის ყოველწლიურ მსოფლიო კონგრესს, რომელიც გაიმართება 5-7 აგვისტოს. კონგრესი მიეძღვნება თანამედროვე სამედიცინო და ჯანდაცვის სამართლის აქტუალურ საკითხებს, მათ შორის ჯანდაცვაზე თანაბარ ხელმისაწვდომობას, ბიოეთიკას, ხელოვნურ ინტელექტს მედიცინაში, პაციენტის უფლებებს, ჯანმრთელობის მონაცემების მართვას და ჯანდაცვის ინოვაციებს. პროგრამა მოიცავს საერთაშორისო სესიებს, ექსპერტებთან დისკუსიებს და პროფესიულ გამოცდილების გაზიარებას სამედიცინო, სამართლებრივი და ეთიკური სფეროებში. აღნიშნული სასწავლო ვიზიტი ორგანიზებულია საქართველოს ადვოკატთა დამოუკიდებელი პროფესიის მიერ, პროფესიული განვითარების და საერთაშორისო გამოცდილების გაღრმავების მიზნით. აღნიშნულ კონფერენციაზე მოხსენებით წარდგებიან აღნიშნული ორგანიზაციის წევრები.