მეწარმეთა ყოველწლიური სიმპოზიუმი 2025 – მეწარმე ქალთა მხარდაჭერა და პროფესული განვითარება
გამომქვეყნებელი GLIP
2025 წლის 23 მარტს საქართველოს ადვოკატები დამოუკიდებელი პროფესიისათვის ორგანიზებით გაიმართა მეწარმეთა ყოველწლიური სიმპოზიუმი, რომელზეც განხილულ იქნა შრომის და საგადასახადო სამართლის საკითხები და ჩატარდა სპეციალური ლექციები მოლაპარაკების ტექნიკისა და ფსიქოლოგიის შესახებ. ასევე გაიმართა მეწარმე ქალთა ნამუშევრების გამოფენა და გაყიდვა.
2025 წლის 23 მარტს, საქართველოს ადვოკატები დამოუკიდებელი პროფესიისათვის, იურიდიული პროფესიის განვითარების ცენტრისა და საქართველოს ქალ აუდიტორთა და იურისტთა ასოციაციის ორგანიზებით გაიმართა მეწარმეთა ყოველწლიური სიმპოზიუმი. ღონისძიება უკვე მესამედ იმართება და მიზნად ისახავს მეწარმე ქალთა გაძლიერებასა და პროფესულ განვითარებას.
სიმპოზიუმზე მომხსენებლების მიერ წარმოდგენილი იქნა შრომის სამართლისა და საგადასახადო სამართლის საკითხები. მონაწილეებისთვის ჩატარდა სპეციალური ლექციები მოლაპარაკების ტექნიკისა და ფსიქოლოგიისა და ქოუჩინგის თემებზე, რაც მნიშვნელოვნად ეხმარება მეწარმე ქალებს საქმიანობაში წარმატების მიღწევაში.
ღონისძიების ფარგლებში ასევე გაიმართა მეწარმე ქალთა ნამუშევრების გამოფენა და გაყიდვა, სადაც მონაწილეებს ჰქონდათ შესაძლებლობა წარედგინათ თავიანთი პროდუქცია და იდეები. აღნიშნული ფორუმი ემსახურება მეწარმე ქალთა გაძლიერებასა და პროფესიულ ზრდას, რაც არის მნიშვნელოვანი ქვეყნის ეკონომიკისა და სოციალური განვითარებისათვის.
